حياة عمر (الحلقه الثانيه)

(بعد  لما عمر خرج من اوضه حياة وميار وراح اوضته ومذاكرش وقعد يفكر فى رويدا كانت رويدا من الجانب التانى عمالة تفكر فى عمر رويدا استاذنت حياة وميار علشان تروح البيت وروحت رويدا البيت)

فى بيت رويدا

رويدا : السلام عليكم ازيك يا ماما ازيك يا بابا؟

ماما رويدا: الحمد لله يا بنتى

بابا رويدا: تمام يا رويدا يالا يا حبيبتى خشى نامى علشان تصحى بدرى وتروحى المدرسة ذاكرتى مع ميار وحياة يا رويدا؟

رويدا: ايوه يا بابا ذاكرنا رياضة بابا استاذنك ادخل انام لحسن انا مش قادرة وتعبانة اوى

بابا رويدا: طيب يا بنتى تصبحى على خير

(طلعت رويدا اوضتها وكانت عايزة تراجع تانى على اللى عمر اداهولها وذاكره معاها خصوصا ان اسلوب عمر فى الشرح بيحبب اى حد فى اى مادة ويخلي اى حد عندو حماس للمذاكرة وللفهم اكتر وبدات تذاكر وتراجع من اول وجديد)

والصبح رويدا صحيت بدرى وقررت انها تروح تفوت على حياة وميار ويروحوا مع بعض هما التلاتة المدرسة لاول مرة تفكر انها تروح تفوت عليهم

فى بيت حياة رويدا بتخبط على الباب

حياة تفتح

حياة:رويدا صباح الخير ايه خير ؟

رويدا:مممممممم صحيت بدرى قولت اجى افوت عليكوا ونروح المدرسة مع بعض

حياة: طيب يا رويدا اتفضلى ادخلى

(ودخلت رويدا وقعدت فى الصالون)

(حياة سابت رويدا وراحت تلبس لبس المدرسة وبعد اما حياة وميار جهزوا )

عمر: رويدا صباح الخير اذيك؟

رويدا وبخجل : صباح النور انا الحمد لله

حياة: يالا ياعمر علشان توصلنا

عمر : يالا يا حياة يالا يا ميار يالا يارويدا علشان هننزل

رويدا وفى سرها : ينهار ابيض وهوا عمر اللى هيوصلنا ده انا بتكسف منو ازاى هستحمل انو يوصلنى انا واخواته المدرسه يا نهار ابيض ياريتنى ما جيت

عمر يركبهم العربية وميار تقعد جنب عمر وحياة ورويدا يقعدوا على الكنبه اللى ورا ويوصلهم وينزلوا يروحوا المدرسة

حياة: ايه يا رويدا مالك كده طول الطريق ساكتة ومش بتتكلمى دى مش العادة بتاعتك يعنى

رويدا: .......................................................

ميار: ههههههههههههههههههههه باين عليها كده مكسوفة من عمر صح يا رويدا؟

رويدا : ممممممممم بصراحه اه

ميار: ههههههههههههههههه مكسوفة مكسوفه منه اه مش قادرة مش قادرة اقوله

رويدا: وربنا انتى رخمة ياالا يارخمة

حياة + ميار:هههههههههههههههههههههههههههه

ودخلوا هما التلاتة الفصل واتافجئوا فعلا انهم عندهم امتحان رياضه مفاجئ ومحدش كان جاهز فى الفصل كله غير رويدا وميار وحياة وحلوا كل المتحان صح وخدوا التقدير ممتاز وكل الفصل خد اصفار

وبعد اما خرجوا بره اللجنه

رويدا: وربنا يا حياة انتى بت زى الفل وعشرة على عشرة احنا لولاكى كنا حصلنا بقيت الفصل

ميار: اهى حياة كده على طول يا رورى مكشوف عنها الحجاب هههههههههههههه استنى ابخرك

حياة: اى خدمة يا بنات يالا يا ميار انتى ورويدا علشان نروح

(ويخرجوا يروحوا وكل واحد يرجع بيته رويدا راجعة بيتها مش شاغل بالها غير عمر عمر وبس وطول الطريق وهيا مروحه مع ميار وحياة مش بتتكلم عمالة تفكر فى عمر وتروح رويدا بيتها تطلع اوضتها وتقعد على السرير وتنام لان دماغها وجعتها من كتر التفكير)

فى بيت حياة وميار على سفرة الغدا

ميار: عمورى البت رويدا دى باين عليها بتحبك هاااااااااار ابيض بتتكسف منك كسوف اكتر من كسوف الشمس اشيخ ههههههههههههههههههههه

حياة: ايه يا ميار اعقلى كده مش يمكن مجرد كسوف بس عادى يعنى بعدين خليكى رزينة وبطلى تكون فى حاله الجنون اللى انتى فيها دى

ميار: بت يا خنيقة فكك منى انا عايشة حياتى وهفضل عايشاها زى ما انا عايزة اوكى واستنى يا رزينة ابخرك لحسن تتحسدى بسبب كتر هدوؤك ورزانتك وحكمتك دى

عمر: صلوا على النبى وكلوا

ميار: بس وربنا رويدا بتحبك ياض انا عارفة وربنا صدقنى

عمر: ههههههههههه اختى المجنونة حبيبتى

ميااار: ههههههههههههههههههههه قول وربنا انتا كمان باين عليك انك بتحبها اكبتن يابنى مش عليا انا الكلام ده

حياة كانت عارفة ان عمر حب رويدا ورويدا حبت عمر بس هيا خايفة اوى على عمر ورويدا لحسن ده ياثر على دراستهم

حياة: عمر انتا لو بتحبها بليز ركز فى مذاكرتك اولا انتا فى 1 كليه يعنى شايل مسؤليه غير كده بتشتغل علشان تجبلنا اكل بعد اما ماما المربية ماتت احنا فى هم ما يتلم يا عمر انتا راجل البيت وبتحمينا واحده طاقة ومجنونة والتانى هيدخلى فى دور الحب ده مش وقته يا عمر مش كفاية الست هانم ميار الللى طاقة وعندها عقلها كلوا ضارب كل حياتها هزار وبس ايوه احنا اخوات وانا بحبك يا ميار بس المفروض تعقلى شوية علشان نشيل المسؤليه الاستاذ عمر لو حب وارتبط هتبقى فكرته الاولى والوحيدة انو يجهز نفسه علشان

(ولسة حياة هتكمل كلامها)

عمر: كفاية بقى انا سمعت منك كتير انتى اختى الصغيرة وانا فرحان انك عاقلة بس بحس انك معقدة نفسيا ميار يا حبيبتى عيشى حياتك ومتنكديش على نفسك وانتى يا حياة تفائلى خير حرام عليكى سديتى نفسى عن الاكل

(وعمر يقوم وهوا بيزق طربيزة السفرة جامد ويدخل اوضته ويرزع الباب وراه )

ميار: تصدقى انا كمان اتسدت نفسى عن الاكل اشبعى بالاكل يا انسة حياة (وقامت ميار هيا كمان بنفس الطريقة اللى قام بيها عمر ودخلت اوضتها وبصوت عالى)

ميار: عايزة تنكدى علينا عيشتنا يابنتى تفائلى خير صحيح فيها ايه لما عمر يحب ويتحب وربنا ده انتى عيلة فقر (وراحت ميار قافلة باب اوضتها عليها جامد وبرزع)

حياة طبعا بعد اللى سمعته قعدت تعيط بره وراحت قايمة شايلة الاكل وهيا بتعيط وبعد اما شالت الاكل وهيا راحه اوضتها جاتلها حالة اغماء ووقعت على الارض

<3 استنونا والحلقة القادمة من قصة

حياة عمر