الحلقة 3 من قصة حياة
عمر
بعد اما حياة عيطت بسبب
الكلام اللى قالهولها عمر وميار اخواتها اكيد كان لازم تعيط وقامت تشيل الاكل وبعد
اما شالت الاكل جاتلها حالة اغماء ووقعت على الارض
عمر وميار الاتنين فى
اوضهم يسمعوا حاجة دبت جامد على الارض ويخرجوا بسرعة يشوفوا في ايه يلاقوا حياة
واقعة فى الارض وعندها حاله اغماء
ميار وهيا بتعيط : انا
السبب والله ما اقصد حبيبتى يا حياة
عمر يشيل حياة ويدخلها
جوه الاوضه ويسيبها على السرير ويفوقوها
حياة بتفتح عينها وميار
تاخدها فى حضنها بسرعة
حياة تطبطب على ميار
وهيا مبتسمة وبتبص لعمر شوية وميار شوية
حياة : اكيد اللى سد
نفسكوا عن الاكل انى زودت الملح فيه شوية
ميار+عمر:ههههههههههههههههههههه
حياة : والله العظيم يا
عمر انا عايزاك تعيش حياتك بس انا خايفة اوى من بكره عمر انا مش همنعك انك تدخل فى
دور الحب انتا ورويدا بس عندى شرط متنساش مذاكرتك ماشى
عمر: ماشى يا ست حياة
كلامك ماشى علينا وفوق راسنا من فوق
حياة: وانتى يا ميار
عيشى حياتك زى ما انتى عايزة اصلا الدنيا مش بيبقى ليها طعم غير بشقاوتك وجنونك ده
ميار: ايوه بقا يا معلمى
اخيرا ده انتى كنتى قلبك قاسى اوى اوى كنت مش بتحس اوى اوى
عمر+حياة:هههههههههههههههههههههه
عمر: بس انا عايز منك
طلب يا حياة متنكديش على نفسك وتخافى من بكره عيشى حياتك واستمتعى بيها ومتبقيش
معقدة نفسيا كده خليكى فريش وعيشى حياتك انتى كمان
حياة: اخاف يا عمر
فاكرنى انى منفسيش احب واتحب يااااااااااااااااااه ده انا نفسى اوى بس اخاف لحسن بعد كده يهجرنى او يموت ويحصله
حادثه يموت فيها اخاف لحسن بعد اما نتجوز ونخلف عيلين يحصلنا حادثة نموت فيها
ونسيب العيال يتامى زى ما حصل لبابا وماما
عمر: استغفر الله العظيم
استغفرى ربك ده قضاء الله وقدره واحنا لازم نرضى بيه مهما كان مش يمكن لو كانوا
عاشوا كان يحصل حاجة اوحش واسوا من كده بكتير يا بنتى ربنا بيسبب الاسباب ولازم
نرضى بقضاء ربنا دايما
ميار: وربنا انتوا عيال
نكد وهتخلونى اعيط اه وربنا (وهيا عاملة وشها بشكل مضحك)
حياة+عمر:ههههههههههههههههههه
عمر: اتعلمى يا حياة من
ميار متفائلة وبتضحك فى وسط همومها وربنا يابت يا ميار عسل وانتى عارفة علشان
جبتيلى خبر ان رويدا بتحبنى خدى الخمسة جنية دول حلاوة الخبر
ميار: نعم خمسة جنيه
وحلاوة الخبر يالا يا بخيل دول اجيب بيهم ايه مصاصة
عمر: ايه مش عاجبك اخدهم
منك ولا ترضى باللى ربنا اداهولك
ميار: لا ياعم خلاص هرضى
باللى ربنا اداهولى
حياة: والله انتوا احسن
اخوات فى الدنيا ربنا يخلينى ليكو
ميار: بدات تضحك وتهزر يا
عمر لووووووووووووووووولى اخيرا ايوه بقا
عمر:
ههههههههههههههههههه يارب ربنا يخليكى لينا يارب يا اعقل اخت فى الدنيا
والصبح حياة اقترحت على
عمر انهم يروحوا المدرسة لوحدهم ويفوتوا على رويدا ويروحوا هما التلاتة مع بعض
المدرسة ولما يجوا يروحوا عمر يفوت عليهم فى المدرسة ويروحهم لبيتهم وهتبقى فرصة
انو يوصل رويدا لبيتها واتفقت حياة مع عمر على كده
عمر: ربنا يخليكى ليا يا
احسن اخت فى الدنيا
حياة: ويخليك ليا يارب
على العموم متنساش تيجى تاخدنا من المدرسة ماشى
عمر: حاضر ماشى
وخرجت حياة هيا وميار
وراحوا يفوتوا على رويدا فى بيتها علشان يروحوا المدرسة وفاتوا عليها وراحوا هما
التلاتة المدرسة مع بعض ولما جه وقت الانصراف من المدرسة عمر كان مستنى على باب
المدرسة اخواته ميار وحياة وطبعا رويدا اول لما رويدا شافت عمر ارتبكت ومبقتش عارفة
تتكلم ولا كلمة بقت بتبصله وهيا متنحه
عمر: ازيك يا ميار انتى
وحياة؟
ميار: تمامو ياعم الفتك
حياة: الحمد لله يا عمر
تمام
عمر: اذيك يا رويدا؟
رويدا سرحانة ومش بتتكلم
كل اللى عليها انها بتبص لعمر وساكتة وفجاة ميار تهزها جامد علشان تفوق رويدا: كنت
بتقول حاجة ؟
عمر: كنت بقولك اذيك
عاملة ايه؟
رويدا : الحمد لله
عمر وبابتسامة : طيب
يالا علشان اوصلكوا للبيت
رويدافى سرها:
(يانهاااار ابيض تانى هيوصلنا ده انا ببقى مكسوفة اوى ومش عارفة اتكلم وبحس انى
شكلى عبيط انا باين عليا بحبه ولا ايه تؤتؤتؤ ايه يابت يا رويدا اللى بتقوليه ده
ده اخوكى الكبير لالالا هوا اكيد بيحبنى علشان كده بيعاملنى كويس طب اعمل ايه
ياربى )
كل ده ورويدا سرحانة
وعمر مستنيها تدخل العربية بعد اما اخواته الاتنين دخلوا العربية ومستنينها تدخل
وهيا سرحانة وبتكلم نفسها وفجاه عمر يهزها
عمر: رويدا
رويدا:نعم
عمر:مالك فى ايه سرحانة
ليه ميار وحياة دخلوا العربية ومستنينك وانتى مش واخده بالك يالا ادخلى
رويدا: اممممممم عمر انا
هروح لوحدى بعد اذنك
عمر:
لالالالالالالالالالالالا تعالى اركبى معانا مش هينفع اسيبك تروحى لوحدك اصحابك
هيزعلوا منك جامد يالا تعالى
رويدا: ماشى اوكى
ويركبوا العربية وعمر
يبقى بيالف اى حكاية علشان يتكلم مع رويدا فى الطريق ورويدا علشان خجولة اوى كانت
بترد على قد السؤال وكانت مقفلة من كل ناحية وتوصل رويدا البيت وتطلع فوق وتشاور
لصاحبتها انها طالعة وتطلع وهما يمشوا
فى بيت عمر
....................
عمر: بعد اذنكوا يا بنات
هدخل اريحلى شوية فى الاوضه
ميار: اتفضل يا عمورى
حياة : اتفضل
عمر فى اوضته لوحده قاعد
عمال بيكلم نفسه بصوت هادى علشان اخواته ميسمعوهوش وبقى فى حاله صراع داخلى
عمر: انا حاسس انها
بتحبنى ايوا بتحبنى وانا بحبها تؤ ايه يا ابنى اللى انتا بتقوله ده اكيد دى
بتعاملك زى اخوها لالالاء معتقدش دى بتتكسف لما باجى اكلمها يعنى بتحبنى لاء برضه
مش حاجة تاكد مش يمكن يكون بس مجرد كسوف انا بحبها اوى وعايز اكلمها
(وثبت عمر فى الاخر على
قرار انو يسالها انها اذا كانت بتحبه ولا لاء من الطرف المقابل كانت رويدا فى
اوضتها بتتكلم مع نفسها فى سرها)
رويدا: انا بحبه ايوه
بحبه ده مستحيل يكون مجرد اعجاب او بعامله زى اخويا لالالالالاء يا بنتى مش هوا
ممكن برضه يكون بيعاملك زى اخته صح ايوا بيعاملك زى اخته يووووووووووه بس انا بحبه
طب اعمل ايه عايزة اعرف اذا كان بيحبنى ولا لاء
(وقررت رويدا فى الاخر
انها تسال عمر انك عمرك حبيت ولا لاء )
الاتنين بقوا عايزين
يسالوا بعض نفس السؤال
<3 استنونا والحلقة القادمة من قصة
حياة عمر
..........................................................................
ليست هناك تعليقات:
إرسال تعليق