التعريف
عمر شاب عمره 18 سنه تربى يتيما توفت امه وابوه فى حادث بالسياره ونجى عمر
بقدرة الله حيث ان كانت نسبة نجاة عمر من هذا الحادث نسبة ضئيلة جدا عند عمر اخت
تسمى حياة كانت اصغر منه بعام ام عمر وابيه توفوا وهو عنده 8 سنوات وكان عند عمر
وحياة مربية بعدما علمت المربية بالحادث اخذت المربية عمر وحياة لتربيتهم فى بيتها
حيث انها كانت عندها فتاه واحدة وتسمى ميار كانت فى نفس عمر حياة
حياةوميار يحبون بعضهما كثيرا وكانت لديهم صديقة تسمى رويدا معهم فى الفصل
..........................................................................
حياة عمر
(فى منزل حياة وميار)
حياة: رويدا ميار انا
حسه ان المدرس بتاع الرياضة بكره هيعملنا
امتحان مفاجئ مش عارفة ليه
رويدا: بتبشرينا بالخير
ربنا يبشرك انا مش بحب الحصة بتاعته ولو عملنا امتحان مش هحل فيه سؤال واحد
حياة: وانتى يا ميار زى
رويدا برضه لو عملنا امتحان مش هتحلى سؤال؟
ميار: يا حياة انا بذاكر
كل سنة مرة وبتسالينى انا زيها ولا لاء مش هحل نص سؤال اكيد ده لو عملنا امتحان
مفاجئ مش بعيد اسقط
حياة: امممممم انا كمان
مش عارفة ممكن اعمل ايه فى الامتحان انا هلغبط الدنيا وحسه انى مش هعرف اقرء سؤال
من الورقة اصلا
رويدا: انتى متاكده من
شعورك انو هيعملنا امتحان مفاجئ؟
حياة: ايوه انا حسة اوى
بكده
ميار: نهارك ابيض يا
مبشره يا سكر انتى خلاص زى كل امتحان نجيب عمر يذاكرلنا يمكن نفهم كلمه ونحل بكره
ده لو حصل وكان في امتحان بكره تمام
(رويدا كانت اول مرة
هتكون ليها تذاكر مع عمر عمر على طول كان بيذاكر مع مياروحياة بس وعمر مكنش يعرف
رويدا ولا كان كلمها ولا مرة)
رويدا: لاء مينفعش مبلاش
تعالوا نخلى اى حد تانى يذاكرلنا وتكون بنت او مدرسة او اى حاجة تانية
حياة : انتى مكسوفة يا
رويدا من عمر ولا ايه؟
رويدا : بصراحه اه انا
اصلا مشوفتوش قبل كده كل اللى اعرفه عنه انو اخوكى واخو ميار واكبر منكم بسنة وهوا
فى 1 كليه ولا مرة شوفته ولا مرة كلمته
ميار :ههههههههه متخافيش
عمر مؤدب جدا وعصبى جدا وممكن يلطشك قلمين لو مفهمتيش بس ايه استاذ بجد لما يجى
يشرح متفهميش ولا كلمة
حياة: بس يا ميار بطلى
هزار ده اخويا واخوكى على فكرة يا رويدا عمر بجد يعرف يفهمك كويس اوى واستاذ فى
توصيل المعلومة صح وبيدخل المعلومة دماغك مش بتخرج غير فى الامتحان ومهذب جدا ومش
بيضرب زى ما ميار قالت
رويدا: مبلاش عمر يا
حياة خلينا انا وانتى وميار نذاكر ونفهم بعض ولو وقفت حاجة قدمنا نسال المستر بكره
عليها
حياة: هنسال المستر ازاى
بكره وانا حسه ان بكره علينا امتحان وانتى عارفه المستر من غير امتحان او بامتحان
مش بيساعد اى حد فى فهم اى مسالة هوا عايز يفهمها افهمى يا بنتى مفيش حل غير ان
عمر يذاكرلنا
ميار: وافقى يا رويدا
لحسن يطلع احساس حياة صح ويطلع علينا امتحان بكره مفاجئ وافقى وافقى
رويدا: ماشى ربنا يستر
هنبدا مذاكرة امتى بقى؟
حياة :عمر بيرجع من
الكلية بعد اذان المغرب يبقى هنبدا بعد عمر ما يجى بنص ساعة كده
رويدا:ماشى اوكى ربنا
يستر
ميار :
هههههههههههههههههه مرعوبة من ايه يا رويدا ده عمر ده والله مهذب جدا مش بينفع غير
فى وقت الازمات قصدى الامتحانات
(وبعد اذان المغرب عمر
يرجع من الكلية وياكل ويستريح وبعد كده حياة تطلب منه انه يذاكر ليها هيا وميار
ورويدا رياضة وعمر يوافق عمر يدخل عليهم الغرفة علشان يذاكرلهم )
عمر: السلام عليكم اذيك
يا ميار ؟
ميار: تمام يا عمر الحمد
لله
عمر : اسم صاحبتك ايه يا
ميار ؟
ميار: رويدا يا عمورى
عمر: اذيك يا رويدا؟
رويدا: الحمد لله
حياة: يالا نبدا الدرس
ونذاكر علشان لو فى امتحان بكره باذن الله
(ويبداو المذاكرة وعمر
بيذاكرلهم عمر اعجب جدا برويدا وادبها وكان معجب بيها لخجالها رويدا كانت خجولة من
عمر جدا لدرجة احمرار خدودها واخيرا عمر خلص ليهم مذاكرة)
عمر: فى حاجة تانية
عايزنى اذاكرها معاكوا ؟
حياة: تشكر يا عمر معلش
تعبناك
ميار: لا ياعم كده كفاية
اوى انا دماغى مش قادرة ده انتا رغاى
عمر:ههههههههههه ماشى يا
ميار العفو يا حياة
رويدا عايزة حاجة؟
رويدا وبخجل:شكرا يا عمر
اسفة ان احنا تعبناك
عمر :لا عادى مفيش اى
تعب خالص اطلاقا استاذنكوا اقوم اذاكر انا بقى
ميار: اتفضل
(خرج عمر من الاوضة وهوا
عمال بيفكر فى رويدا وهوا معجب بيها وبطريقة كلامها وخجلها وراح على اوضته مذاكرش
وقعد يفكر فيها)
<3 استنونا والحلقة القادمة من قصة
حياة عمر
ليست هناك تعليقات:
إرسال تعليق