الحلقه 8 من قصه حياة
عمر
لما سهام (والدة رويدا)
وحسام(والد رويدا) دخلوا المستشفى وهما منهاريين وكانوا جايين على ملى وشهم علشان
يطمنوا على بنتهم الوحيدة ميار وعمر ومحمد كانوا واقفين مع بعض ومحمد كان لسه
هينزل علشان يشترى لميار اكل بس مكانش لسه نزل ولقى سهام وحسام فى المستشفى
بيعيطوا وبيسالوا على رويدا ميار كانت هتفتكر كل اللى حصل وكان هيجيلها انهيار
تانى بس محمد راح لحسام وسهام بسرعه وقالهم ان بنتهم بخير وزى الفل
بس نامت شويه علشان
تعبانه والدكتور مانع عنها الزيارة علشان هيا محتاجه للراحه التامه
كلام محمد طمن حسام
وسهام شويه وخلاهم يبطلوا عياط ويهدوا بعد اما كانوا فى حاله انهيار من خوفهم على
رويدا محمد نزل وجاب لحسام وسهام عصير وجاب لميار وعمر اكل علشان هوا كان عارف ان
عمر من الصبح فى المستشفى ومكالش وهما دلوقتى بالليل وطلع محمد المستشفى وراح
لحسام وسهام
محمد : حضرتك والد
الانسه رويدا؟
حسام: ايوه يابنى
محمد:طب اتفضل عصير
رويدا تمام وكويسه متخافش عليها اتفضل عصير اهو
حسام وهوا بياخد العصير
: شكرا يابنى
محمد لسهام : اتفضلى يا
امى عصير اشربيه ومتخافيش على رويدا ابدا رويدا زى الفل
سهام خدت العصير وشكرت
محمد على زوقه
وراح محمد لميار وعمر
محمد: بصى بقى يا ست
ميار ده العشا عايز الاكل ده كلوا يتاكل يالا كليه وكل معاها يا عمر افتح نفسها ع
الاكل
عمر: شكرا بجد يا محمد
تعبينك ومكلفينك معانا
محمد: يا عمر انتا اهبل
انتا اخويا وميار اختى ورويدا كمان اختى وحياة اختى
الا صحيح هيا حياة فين
عمر: حياة فى البيت دلوقتى
هي قالتلى هتروح تقول لوالد رويدا ومامتها على ان رويدا فى المستشفى وهتروح البيت
تستريح وتنام
محمد: طيب ماشى كلوا بقى
عايز الاطباق دى تتمسح
عمر وميار الاتنين كلوا
الاكل وخلصوا عليه فعلا لانهم كانوا جعانين جدااااااااااا وهما بياكلوا محمد سابهم
وراح على رويدا يبص عليها وبقى سرحان وقعد يتامل فيها عمر وهوا خارج بيرمى الورق
والاكياس فى الزباله شاف محمد وهوا بيبص
على رويدا من ورا الازاز راح عمر لمحمد
عمر: محمد انتا بتعمل
ايه هنا؟
محمد وهوا بيفوق من
سرحانه: انا انا كنت بطمن على رويدا
عمر: اها محمد على فكرة
انا ورويدا مش مجرد بنعتبر بعض اخوات بس انا وهيا بنحب بعض
محمد كان الكلام اللى
بيقوله عمر زى السكاكين اللى بتقطع فيه لان محمد بيحب رويدا وكان عايز يتجوزها بجد
ويعيش معاها هيا وبس كان نفسه اوى يتجوزوا بعض ويعيشوا مع بعض احلى حياة ويصحى على
صوتها وياكل من ايدها زى ما تكون كل احلامه ضاعت والثوانى اللى عمر نطق فيها
الكلام ده قدام محمد كان محمد بتعدي عليه الثانيه سنه كان بيتعذب اوى من جواه
وكانت عنيه هتدمع بس لحق نفسه بسرعه وفوق نفسه من الصدمه ورد على عمر
محمد: اها طيب يا عمر
بعد اذنك هروح الحمام
وراح محمد الحمام وقعد
يغسل فى وشه وحط راسه تحت الحنفيه وهوا متمالك نفسه ومش قادر بجد حزنه كبير ومش
قادر يتغلب على حزنه بس محمد مبعدش قرر انه هيخلى باله من رويدا ويتعامل عادى زى
ما بيتعامل لحد اما رويدا تبقى كويسه وتمام وترجع بيتها وبعدها يبعد ومحمد علشان
كان خير جدا وبيحب يعمل خير فقرر انه يتعامل عادى يعمل ده للخير وبس زى عمل يتقرب
بيه من ربنا
ونزل تحت المسجد وسجد
وبكى كتير اووووووووووى وبعدها غسل وشه وطلع فوق وهوا طالع ع السلم قابل ممرضه على
انهم يقفلوا الزيارة امتى قالتله بعد 10 دقايق شكرها محمد وطلع فوق لاوضه ميار وعمر
محمد: ميار انتى كويسة
دلوقتى
ميار: اه تمام اوووى وزى
الفل وكويسه وممكن اقوم اتنطط دلوقتى كمان
محمد بابتسامه مصطنعه
علشان يخفى الحزن اللى جواه: لحمد لله يا ميرو يالا اجهزى بقى علشان تخرجى من
المستشفى دى
وانتا يا عمر اجهز علشان
تمشوا من هنا علشان الزيارة هتتقفل كمان 5 دقايق
عمر وميار :طب ورويدا
محمد: رويدا هتفضل فى
المستشفى لانها محتاجه للراحه التامه يالا علشان نروح
وخرج عمر وميار من
المستشفى وحسام وسهام مشيوا ومفاضلش غير محمد فى المستشفى راح محمد لمكتب الدكتور
هشام
محمد: دكتور هوا انا
ممكن ابات فى المستشفى لحد اما رويدا تفوق
هشام: مينفعش يا محمد
انتا مش دكتور اللى بيفضلوا الدكاترة بس مينفعش طبعا
محمد : بعد اذنك يا
دكتور بجد انا عايز ابات فى المستشفى لحد اما رويدا تفوق
هشام : اممممممممممممم
طيب يا محمد انا هتصرف
محمد : بجد شكرا ليك اوى
يا دكتور بعد اذنك يا دكتور هدخل اشوف رويدا هدخلها الاوضه يعنى
هشام : اتفضل يا محمد
راح محمد لاوضه رويدا
ودخلها جاب كرسى وقعد عمال يبصلها وفجاة افتكر كلام عمر قعد يعيط مسك محمد ايد
رويدا
محمد: انا عارف انك ممكن
تكونى مش داريه باللى حواليكى بس انا بجد حبيتك كنت عايز نتجوز تبقى انتى ام
اولادى انتى بس يا رويدا يارب اللى قاله عمر يطلع كدب انا بحبك يا رويدا متسيبنيش
ارجوووووووووووووووووووووكى
وقعد يعيط
الصبح جه الدكتور هشام
ودخل اوضه رويدا لاقى محمد نايم ع الكنبه اللى فى الاوضه ورويدا صاحيت وفاقت من
الغيبوبه وقاعده بتبص لمحمد ومش عايزة تصحيه وفى نفس الوقت عايزاه يصحى علشان مش
عارفة تتحرك بسبب المحاليل
هشام : ايد ده رويدا
انتى فوقتى حمد الله ع السلامه
رويدا وهيا بتشاور
للدكتور هشام علشان محمد ميصحاش
هشام فهم انها مش عايزة
تصحى محمد وعايزة تسيبه يصحى براحته راح هشام لرويدا وفكلها المحاليل وقالها تلزم
السرير علشان متتعبش وسابها وخرج
فات نص ساعه رويدا جالها
ملل قامت تصحى محمد
رويدا: محمد محمد قوم
اصحى يا محمد
محمد وهوا بيفتح عينه
شاف رويدا وفاقت من الغيبوبه بقى فرحان اووووووووووووووى
محمد: رويدا انتى كويسه
انتى فوقتى
رويدا: اه فوقت الحمد
لله انتا ايه اللى نيمك هنا مش كنت تروح وتنام فى بيتك
محمد: لاء عادى فضلت انى
انام هنا
رويدا قعدت جنمب محمد ع
الكنبه
رويدا: عارف يا محمد
انتا بجد بحس انك اخويا وبتخاف عليا شكرا بجد يا محمد
محمد : يا رويدا انتى
اختى مش مجرد زميله او صديقه ليا فى نفس الكليه
رويدا بابتسامه واسعه:
ربنا يخليك يا محمد
وقامت رويدا رقدت تانى ع
السرير علشان تنام ومحمد بعد اما اطمن انها نامت راح لدكتور هشام وقعد معاه عمر
وحياة وميار راحوا لرويدا المستشفى وشافوا محمد
عمر: محمد انتا هنا من
امتى
محمد : يا اخى سلم الاول
ازيك يا محمد عامل ايه كده مش اول لما تشوفنى انتا هنا من امتى
عمر: طيب يا محمد ازيك
عامل ايه؟
محمد : تمام الحمد لله
زى الفل وتمام
عمر: طيب انتا هنا من
امتى بقى
محمد : من امبارح
عمر باستغراب :
ازاى؟؟؟؟؟؟؟؟؟؟
محمد : دكتور هشام يبقى
صاحب بابا وكان عايز يقعد معايا لانى وحشته وبقالى كتير مشفتوش واستاذن دكتور هشام
ليا وقعدنا مع بعض ونمت هنا فى المستشفى
حياة : اها طيب ورويدا
ازيها عامله ايه؟
محمد بفرحه : زى الفل
وكويسه هيا صحيت ونامت تانى شوفيها ممكن تكون صحيت من نومها انا روحت علشان اطمن
عليها الصبح لاقيتها فاقت وبقت كويسة
عمر : اها طيب بعد اذنك
هنروح نطمن عليها
محمد: طيب اتفضلوا
وراحوا يطمنوا على رويدا
لاقوها صحيت وتمام وكويسة وبتكلمهم كويس وزى الفل اطمنت ميار على رويدا وخرجت قعدت
جنمب محمد
ميار: محمد ازيك ؟
محمد : الحمد لله تمام
وانتى عاملة ايه يا ميرو؟
ميار: كويسه وزى الفل
الحمد لله
محمد : يارب دايما
ميار: محمد شكرا لانك
بجد خليت بالك منى ومن رويدا انتا بجد اخ مثالى
محمد : ربنا يخليكى يا
ميرو
ميار : هوا انتا ليك
اخوات احكيلى عن نفسك يا محمد
محمد : طبعا طبعا انا
ياستى بابايا توفى و انا فى الثانويه تحديدا وانا فى 3 ثانوى الترم التانى وده
خلانى مذاكرتش بس انا علشان كنت ممتاز فى الترم الاول نجحت والاساتذة بتوعى كانوا
عارفين ظروفى علشان كده منقصونيش فى الدرجات دكتور هشام كان صاحب بابا الله يرحمه
الروح باروح مكانوش بيفارقوا بعض ابدا حتى بعد اما اتجوزوا وهما الاتنين اتجوزوا
فى نفس اليوم فى نفس القاعه لان ماما كانت صاحبه مرات دكتور هشام ودكتور هشام كان
صاحب بابا الله يرحمه المهم انا الكبير والوحيد بابا مات وماما حزنت كتير جدا
لانهم كانوا بيحبوا بعض جدا ومش بيتشال من خيالها ثانيه واحده فضطرت تشغل نفسها
على طول بالشغل فا على طول فى امريكا بتشتغل وبتيجى هنا شهر كل سنه ماما ناجحة جدا
وسيده اعمال كبيرة ومشهورة جدا مش فى امريكا بس ده كمان فى الشرق الاوسط كله بابا
الله يرحمه كان دكتور جراح كبير الله يرحمه انا حاليا عايش لوحدى مع جدتى واخوات
ماما وقرايبها بيجوا يزورونى وكذلك قرايب
بابا واخواته وعرضوا عليا كتير اعيش معاهم بس انا رفضت وتيته مامت بابا بتقولى
بشوف فيك ابوك وعاشت معايا علشان بتحس انى انا شبه بابا فى تصرفاته وفى كل حاجة
وعلشان بتحبنى جدا ومخليا بالها منى وقايمه بدور الام وعندنا شغالة بتطبخ وبتخدمنا
يعنى ومستوانا المادى عالى جدا وعايش فى فيلا بس تيته مكتفيه بشغاله واحده بس مش
عايزة دوشه ولا هيصه ولا شغالات كتير
ميار : اها ربنا يخلى
جدتك ليك ومامتك كمان ليك وبالنسبه لباباك الله يرحمه بجد ربنا يصبرك باباك دلوقتى
عند اللى احسن منى ومنك
محمد حس
براااااااااااااحه نفسيه فظيعة لما كلم ميار وهيا كمان كانت فرحانة اوى وهيا
بتكلمه لانها حست انو اخوها اللى بجد بيخلى بالها منه اكتر من عمر نفسه وراحوا
واطمنوا على رويدا
بعد شهر
عمر وحياة وميار عايشين
حياتهم عادى مع بعض
محمد مخلى باله من رويدا
جدااااااااااااااااااااااا ولما تيجى تنزل تشترى اى حاجة لمامتها او باباها بيروح
معاها وحسام وسهام عارفين محمد كويس وزاروه فى بيته كتير فحسام وسهام بعد اما
عرفوا ان محمد والده مات ومامته على طول مسافرة معتبرينه زى ابنهم والزيارات
والخروجات متبادله ما بينهم دايما
فاضل ع الدراسه اسبوع
حياة تتصل على رويدا تطمن عليها وعلشان يخرجوا مع بعض كلهم وطبعا من ضمنهم عمر
وحسام وسهام وافقوا وخرجوا مع بعض طبعا ومحمد كان معاهم
اول لما اتقابلوا محمد
جاى مع رويدا وعمر وميار وحياة مع بعض
عمر استغرب من وجود محمد
محمد : ازيكوا يا جماعه
عاملين ايه؟
عمر : تمام الحمد لله يا
محمد
حياة : تمام يا محمد
كلنا زى الفل
ميار : تمام يا ميدو
وانتا عامل ايه يا مان ؟
محمد : تمام يا ميرو فل
والحمد لله
عمر : ازيك يا رويدا؟
رويدا : تمام يا عمر
عمر : تعالى يا رويدا
بعد اذنك عايز اقولك حاجة
وشدها من ايدها جامد
ومشيوا بعيد
رويدا: انتا شدتنى كده
ليه ايدى وجعتنى
عمر: معلش اسف بس واضح
بقى انك مبتفارقيش محمد وعلى طول مع بعض
رويدا: قصدك ايه ياعنى؟
عمر: بقولك ايه اختارى
يا انا يا محمد تختارى مين ؟
رويدا : محمد اخويا مفيش
ما بينا اى حاجة
عمر : بس انتى بتحبيه
صح؟
رويدا : انا بحبه زى
اخويا
عمر : رويدا انتى
بتحبينى ولا لاء؟
رويدا:
....................................
وحصلت خناقه ما بين
رويدا وعمر وده طبعا لان عمر بيغير عليها وعمر اتعصب جدا على رويدا
و.....................
<3 استنونا والحلقة القادمة من قصة
حياة عمر
..........................................................................
